Қазақстан Премьер-Лигасының 5-турында "Астана" "Тұранға" қарсы екі ұпайдан айырылды.
Ойынның алғашқы бөлігінде, 30-минутта "Астананың" шабуылшысы Марин Томасов есеп ашты. Хорватиялық футболшы қазір Премьер-Лиганың ең нәтижелі ойыншыларының бірі.
Алайда матч соңына 4 минут қалғанда "Тұран" ойыншысы Хуршидбек Мұхтаров есепті теңестіріп, елордалық клубты жеңіссіз қалдырды — 1:1.
Бұл нәтиже "Астана" үшін өте маңызды сәтсіздік болды. Жеңіске жеткен жағдайда команда 13 ұпай жинап, турнир кестесінде бірінші орында тұрған "Қайратқа" жақындауға мүмкіндік алар еді. Есесіне елордалықтарда бір ойын артық болатын.
"ТҰРАН" (Түркістан) — "АСТАНА" 1:1 (0:1)
Голдар: Томасов 30 (0:1), Мухторов 84 (1:1).
