U-19 Қазақстан жасөспірімдер құрамасының бұрынғы бас бапкері Александр Кузнецов "Шахтер" футбол клубының жүйесіне қайта оралды.
Қарағандының "Шахтері" Instagram парақшасында Кузнецовтың жаңа қызметке тағайындалғанын ресми түрде жариялады.
“ФК "Шахтерде" біз үздіктер әрдайым бір жерде болуы керек деп есептейміз. Дәл осы ұстаныммен біз Александр Евгеньевичті клубқа шақырдық. Ол бұл шақыруды қабылдады!
Бүгіннен бастап Кузнецов "Шахтер" футбол орталығын басқарады”, – делінген хабарламада.
Айта кетейік, Александр Кузнецов 2021 жылдан бері Қазақстан U-19 құрамасын жаттықтырып келді. Бірақ 21 сәуір күні ол бұл қызметінен ресми түрде кеткені жарияланған еді.
Оның жетекшілігімен жастар құрамасы Еуропа біріншілігіне іріктеу кезеңдеріне қатысып, жас ойыншылардың даму жолында бірнеше маңызды жобаларға атсалысты.
