Әлем футболының танымал жұлдызы Поль Погба мансабын АҚШ-та жалғастыруы мүмкін.
The Athletic басылымының мәліметінше, "Ди Си Юнайтед" клубы Франция құрамасының бұрынғы ойыншысымен келіссөз жүргізуге MLS (АҚШ футбол лигасы) аясында басым құқыққа ие. Клуб бұл мүмкіндікті пайдаланып, келіссөздерді бастап кеткен.
Қазіргю "Ди Си Юнайтед" командасы Шығыс конференциясының турнирлік кестесінде 10 турдан кейін 13-орында тұр.
Айта кетейік, Поль Погба антидопинг ережелерін бұзғаны үшін төрт жылға футболдан шеттетілген еді. Бірақ жазаның мерзімі 18 айға қысқартылып, 2025 жылдың 10 наурызында ресми түрде дисквалификациядан босатылды.
Бүгінде 32 жастағы жартылай қорғаушы Франция ұлттық құрамасының сапында әлем чемпионы атағын жеңіп алған.
