«Қайрат» Астанаға көшеді ме?

Алматылық «Қайрат» футбол клубы 2025 жылдың күзінен бастап өз алаңында ойын өткізуден уақытша бас тартуы мүмкін. Себеп — Орталық стадионды қайта жаңғырту.

«Қайрат» еурокубок матчтарын Астанада өткізуі мүмкін

Offside.kz мәліметінше, егер «Қайрат» еурокубоктардың топтық кезеңіне жолдама алса, өз алаңында өткізуі тиіс матчтарын Астанада өткізуі мүмкін. Бұл шешім Алматыдағы стадионның қайта жөндеуге жабылуына байланысты қабылданбақ.

Алматыдағы стадион қашан жаңартылады?

Алматы қаласы әкімдігінің жоспары бойынша:

• Қайта жаңарту жұмыстары 2025 жылдың күзіне белгіленген;
• Жөндеу 2026 жылдың соңына дейін жалғасады;
• Жүгіру жолақтары алынып тасталады, трибуналар шатырмен жабылады;
• Стадион сыйымдылығы 32 000 адамға дейін артады.

Бұл жаңғырту жобасы стадионды УЕФА стандарттарына сай келетін еурокубок аренасына айналдыруды көздейді.