Лука Модрич "Реалмен" келісімшартын ұзартты. Бірақ 13 шілдеге шейін

Мадридтік "Реал" клубының ардагер ойыншылары — Лука Модрич пен Лукас Васкес — команда сапында тағы біраз уақыт қалатын болды. Бірақ бұл ұзақмерзімді келісім емес.

Келісім 13 шілдеге дейін ғана жарамды

Испаниялық AS басылымының хабарлауынша, "Реал Мадрид" екі ойыншының келісімшарт мерзімін тек 2025 жылғы 13 шілдеге дейін ұзартуды жоспарлап отыр. Бұл күн Клубтар арасындағы әлем чемпионатының финалы өтетін мерзіммен сәйкес келеді.

Лука Модрич:

• 2012 жылдан бері "Реалда", 5 мәрте Чемпиондар лигасын ұтты.
• 2024/25 маусымнан кейін клубтағы болашағы белгісіз.
• Сауд Арабия мен МЛС лигасынан ұсыныстар бар екені бұған дейін айтылған.

Лукас Васкес:

• Академия түлегі, 2015 жылдан бері негізгі құрамда.
• Қорғаушы және вингер ретіндегі әмбебаптығымен ерекшеленеді.
• Оған да бірнеше испан клубы қызығушылық танытып отыр.

«Реалдың» мақсаты – тәжірибелі ойыншыларды клубтық мундиальға алып шығу

2025 жылы Клубтар арасындағы әлем чемпионаты АҚШ-та алғаш рет кеңейтілген форматта өтеді. Турнирге 32 команда қатысады, ал «Реал Мадрид» УЕФА квотасы бойынша іріктеуден тыс қатысады.

Келешегі белгісіз

13 шілдеден кейін бұл екі ойыншы клубпен ары қарай келісімге келе ме, жоқ па — әзірге белгісіз. Келісімнің ұзартылуы Клубтар арасындағы турнирден кейін ғана қайта қаралады.