Ямаль? «Алтын допқа» жаңа фаворит аталды

2025 жылғы «Алтын допқа» үміткерлердің жаңартылған тізімі жарық көрді. Goal порталы жариялаған рейтингке сәйкес, жаңа маусымның басты фавориттері арасында көпшілік күтпеген есімдер бар.

Ямаль көш бастап тұр ма?

Goal интернет-платформасы «Алтын доп» (Ballon d’Or) жүлдесіне үміткерлердің жаңартылған ТОП-10 тізімін жариялады. Биылғы тізімде жаңа фавориттер мен “Барселона” ойыншыларының басымдығы айқын байқалады.

2025 жылғы «Алтын допқа» басты үміткерлер:

1. Усман Дембеле – ПСЖ (Франция)
2. Ламин Ямаль – Барселона (Испания)
3. Рафинья – Барселона (Испания)
4. Педри – Барселона (Испания)
5. Мұхамед Салах – Ливерпуль (Англия)
6. Роберт Левандовски – Барселона (Испания)
7. Джанлуиджи Доннарумма – ПСЖ (Франция)
8. Харри Кейн – Бавария (Германия)
9. Килиан Мбаппе – Реал Мадрид (Испания)
10.  Нуну Мендеш – ПСЖ (Франция)

“Барселона” мен ПСЖ — көш басында

Тізімде "Барселона" клубының бірден төрт ойыншысы бар (Ямаль, Рафинья, Педри, Левандовски). Сондай-ақ ПСЖ де үш өкілмен кіріп отыр (Дембеле, Доннарумма, Мендеш). Бұл клубтардың Еуропадағы үстемдігін айқын көрсетеді.

Естеріңізге сала кетейік:

• 2024 жылғы «Алтын доп» иегері — «Манчестер Сити» және Испания құрамасының жартылай қорғаушысы Родри болды.
• Екінші орынды — «Реал Мадрид» ойыншысы Винисиус Жуниор,
• Үшінші орынды — Джуд Беллингем иеленді.

Былтыр марапатты табыстау рәсімі қазан айының 28-інде Парижде өткен болатын.