Бас бапкердің көмекшісі Елдос Ахметов Марочкиннің мансабын аяқтайтыны туралы шешімі күтпеген жаңалық болғанын айтты.
Наурыз айында Александр Марочкин Лихтенштейнмен болған матчтан кейін ұлттық құрамадағы мансабын аяқтайтынын хабарлады. Бұл жаңалық тіпті бапкерлік штаб үшін де күтпеген жайт болған. Бұл туралы бас бапкердің көмекшісі Елдос Ахметов offside.kz сайтына берген сұхбатында мәлімдеді.
«Бұл біз үшін тосын жаңалық болды. Шыны керек, сәл шок болдық. Бірақ бұл — спорт. Бәріне дайын болу керексің.», — деді Елдос Ахметов.
Елдос Ахметовтың айтуынша, қазір Марочкиннің орнын басатын ойыншылар қарастырылып жатыр. Бір емес, бірнеше үміткер бар көрінеді. Атап айтқанда, “Оқжетпестің” Жұмат–Мұхаммед–Марат үштігі ұлттық құраманың назарын өзіне аудартқан.
«Бұл үштік — шабуылда үйлесімді жұмыс істеп жүр. Өзара түсіністігі бар. Бұрын “Астана” құраманың базасы болған кезеңді өзім көрдім. Қазір “Оқжетпес” те дәл сондай үйлесім ұсынуы мүмкін. Бақылауымызда», — деді Ахметов.
Айта кетейік, маусымның бесінде ұлттық құрама Беларусьпен жолдастық кездесу өткізеді.
