Жас шабуылшы Михаил Мудрикке ерекше ықылас білдірді.
“Қайрат” футбол клубының 16 жастағы шабуылшысы Дастан Сәтпаев “Челси” клубының жұлдыздары туралы пікір білдіріп, кіммен бір командада ойнағысы келетінін айтты. Бұл туралы Scout in Eurasia порталы хабарлайды.
“Челсидің” қазіргі құрамында керемет ойыншылар өте көп. Мен үшін Энцо Фернандес пен Коул Палмермен бірге алаңға шығу — үлкен мәртебе болар еді. Бірақ мен ең алдымен Михаил Мудрикпен ойнағым келеді. Ол менің кумирім — жылдамдығы мен техникасы ерекше әсер қалдырады”, — деді Сатпаев.
Айта кетейік, бұған дейін “Қайрат” Дастан Сәтпаевтың трансфері бойынша “Челсимен” ресми келісімге келген. Жас футболшы 2026 жылдың жазында, кәмелет жасқа толған соң, Англия Премьер-Лигасының өкіліне қосылады.
Баспасөз мәліметіне сәйкес, трансфер құны төрт миллион фунт стерлингке бағаланған.
