Украина құрамасының бұрынғы капитаны Анатолий Тимощукке елінде Ресейге жәрдем көрсетті деген айып тағылды.
«Қайрат» пен «Зенит» арасындағы 2024 жылғы жолдастық матчтан кейін бұрынғы футболшы Анатолий Тимощук Украинада қылмыстық қудалауға ұшырады. Vesti.kz мәліметінше, Ресейге көмектесті деген күдікпен оған қатысты іс қозғалған.
Украина Бас прокуратурасының ресми сайтындағы ақпаратқа сәйкес, Тимощук Ресей Федерациясына көмек көрсетті деген бап бойынша айыпталып отыр.
Тергеу нұсқасы бойынша:
Тимощук «Қайрат» пен «Зенит» арасындағы жолдастық матчқа қатысқан
Ойыннан кейін футболшылар қол қойған жейделер аукцион арқылы сатылған
Тимощуктің өзі қол қойған жейде 700 мың рубльге (4,2 млн теңге) сатылған
Украина тарабы бұл қаржы Ресей армиясына жіберілді деп отыр
Украина Қылмыстық кодексінің 111-2-бабы бойынша, егер тағылған айып сотта дәлелдесе, Анатолий Тимощук 12 жылға дейін түрмеге қамалуы мүмкін.
Айта кетейік, 2022 жылы Украина үкіметі Тимощукті барлық мемлекеттік наградаларынан және жаттықтырушы лицензияларынан айырған болатын.
2024 жылдың қыркүйегінде Алматыда өткен «Қайрат» – «Зенит» жолдастық ойынында (3:4) петерборлық команда Ленинград қоршауындағы құрбандарды еске алу күніне арналған жейделермен шыққан. «Зенит» баспасөз қызметінің мәліметінше, жиналған қаржы Курск облысындағы зардап шеккен тұрғындарға жіберілген.
Жасы: 46
«Қайрат» сапында: 2015–2016 жылдары
Статистика: 50 матч, 1 гол, 2 нәтижелі пас
Қазір: «Зенит» клубының бас бапкерінің көмекшісі (2017 жылдан бері)
