Криштиану Роналду футбол тарихындағы ең ерекше келісімшартты қабылдауға жақын

"Монтеррей" Роналдуды бір айға ғана шақырды

Мексиканың "Монтеррей" клубы 40 жастағы португалиялық жұлдызды небәрі бір айға өз сапына қосқысы келеді. Мақсат — 2025 жылғы Клубтық әлем чемпионатына қатысу. Турнир 15 маусым мен 13 шілде аралығында АҚШ-та өтеді.

Қомақты сыйақы — 5 миллион доллар

Келісімшарт талаптарына сәйкес, Роналду бар болғаны бір айлық келісім үшін 5 миллион АҚШ долларын алады. "Монтеррей" клубының басшылығы футболшы өкілдерімен байланысқа шығып, қазір жауап күту үстінде.

Көпшілік Роналдудың бұл ұсынысты қабылдайтынына сенімді. Себебі ол өзі де Клубтық чемпионатқа қатысуға мүдделі екені бұрыннан айтылып жүрген.

Турнирдегі қарсыластар – Еуропа, Оңтүстік Америка және Азия алыптары

"Монтеррей" КӘЧ-2025 турнирінде мықты қарсыластармен бір топта ойнайды:

• "Интер"(Италия)
• "Ривер Плейт" (Аргентина)
• "Урава Ред Даймондс" (Жапония)