Түркия чемпионатының 37-турында "Адана Демирспордың" шабуылшысы Абат Айымбетов тарихи сәтке себепкер болды. Ол қосалқы құрамнан шығып, 94-минутта жеңіс добын салды.
Ыстамбуұда өткен ойында "Истанбул Башакшехир" алаң қожайыны саналды. Жанкүйерлер фавориттің жеңісін күткен. Бірақ "Адана Демирспор" соңына дейін күресіп, соңғы секундтарда бәрін өзгертіп жіберді.
Абат Айымбетов 82-минутта ойынға қосылды. 90+4 минутта ол шабуыл шебінде әріптесінің пасынан кейін қорғаушыны басып озып, қақпашымен бетпе-бет шықты. Салқынқандылық танытып, допты қақпақа дәл тигізді. Бұл Айымбетов үшін ғана емес, барша қазақстандық жанкүйерлер үшін де естен кетпес сәт болды.
"Адана Демирспор" қазір тек 1 ұпаймен Түркия Суперлигасының соңғы орнында тұр. Ал "Истанбул Башакшехир" 54 ұпаймен бесінші орында орналасқан. Бұл жеңіс "Адана Демирспор" үшін моральдық тұрғыда маңызды болса, Айымбетовтың голы оның кәсіби карьерасындағы жарқын сәттердің біріне айналды.
