Италиялық La Gazzetta dello Sport басылымының мәліметінше, 39 жастағы хорватиялық ойыншы Лука Модрич "Миланға" ауысуға жақын.
Тәжірибелі жартылай қорғаушының жалақысы жылына 3–3,5 миллион еуро болуы мүмкін.
“Милан” басшылығы Модричтің келуі команда ішіндегі атмосфера мен тәртіпті нығайтады деп сенеді. Олардың ойынша, Лука бірден киім ауыстыратын бөлмеде көшбасшыға айналып, ойыншылардың жаттығуларға кешігуін азайтады.
Ең бастысы — “Алтын доп” иегерімен келісімшартты тегін жасау мүмкіндігі, себебі Модричтің “Реал Мадридпен” арадағы келісімі 30 маусымда аяқталады.
Бұған дейінгі деректерге сүйенсек, хорватиялық жұлдыз “Миланмен” 2026 жылдың жазына дейін келісімшартқа отырады деген ақпарат бар. Бұл – Модричтің 40 жастан асқанға дейін жоғары деңгейде өнер көрсетуі мүмкін екенін білдіреді.
