Қазақстанда клубтық әлем чемпионаты тікелей эфирде көрсетіледі

Турнир АҚШ-та өтеді

Биылғы клубтық мундиаль 15 маусым мен 13 шілде аралығында АҚШ-тың түрлі қалаларында өтеді. Жаңа форматта ұйымдастырылып отырған турнирге 32 команда қатысады. Олар 8 топқа бөлінген. Әр топтан екі үздік команда плей-офф кезеңіне жолдама алады.

Чемпиондар шеруі — Еуропаның алыптары мен әлем жұлдыздары

Клубтық чемпионатқа қатысатын басты фавориттер қатарында:

• "Реал Мадрид",
• “Пари Сен-Жермен” (ПСЖ),
• "Манчестер Сити",
• "Бавария",
• "Интер Майами" және басқа да мықты ұжымдар бар.

Әсіресе, Лионель Месси бастаған "Интер Майами" мен Еуропа грандтарының тартысы жанкүйерлер үшін нағыз шоу болмақ.

Бір миллиард долларлық жүлде қоры

Жүлде қоры — 1 миллиард АҚШ доллары. Чемпион атанған клуб 125 миллион доллар алады. Қалған қаражат орын алған командалар арасында нәтижеге байланысты бөлінеді.