Ол "Кристал Пэлас" клубының 170 миллион фунттық акцияларын сатып алуға үміткерлердің бірі ретінде қарастырылып жатыр.
АҚШ президентімен тығыз байланысы бар миллиардер Вуди Джонсон "Пэлас" клубының иесі атануы мүмкін. Қазір ол аталған клубтың акцияларын сатып алуға үміткерлер қатарында.
Ағылшындық "Кристал Пэлас" футбол клубының 43% үлесіне иелік ететін бизнесмен Джон Текстор өз акцияларын сатуға мәжбүр болуы мүмкін. Себебі ол сонымен қатар Францияның "Лион" клубының да иесі. УЕФА ережелеріне сәйкес, бір иелікке тиесілі екі клубтың бір турнирде ойнауына тыйым салынған.
Мәселе — "Пэлас" пен "Лионның" екеуі де 2024/25 маусымында Лига Европы турниріне жолдама алған. Бұл жағдайда олардың біреуі жарыстан шеттетілуі ықтимал. Сондықтан Текстор "Пэластегі" үлесін сату жолын қарастыруда.
The Telegraph басылымының мәліметінше, Текстордың 170 миллион фунт стерлингке бағаланған үлесіне үш үміткер бар. Солардың бірі — АҚШ-тың "Нью-Йорк Джетс" клубының иесі, 78 жастағы миллиардер Вуди Джонсон. Ол Дональд Трамптың сенімді серігі ретінде танымал және АҚШ-тың Ұлыбританиядағы елшісі қызметін атқарған.
Джонсоннан бөлек, тағы екі ықпалды тұлға Текстордың үлесін сатып алуға қызығушылық танытуда:
Сондай-ақ, Текстор "Пэлас" клубының қазіргі басқа иелері — Джош Харрис пен Дэвид Блитцерге де үлесін сатуы мүмкін.
