Дастан Сәтпаев гол соғуды қойып, қақпаға тұрды (ВИДЕО)
Қазақстан құрамасы мен "Қайраттың" жас шабуылшысы Дастан Сәтпаев күтпеген рөлде көзге түсті — ол клуб жаттығуында қақпашы болып өнер көрсетті.
Сәтпаев – шабуылшы ма, әлде қақпашы ма?
Алматылық клубтың Instagram парақшасында жарияланған видео мен жазба жанкүйерлер арасында қызу талқыға түсті:
“Бомбардир ме? Иә. Қақпашы? Мүмкін…
Дастан Сәтпаев жаттығу кезінде қақпашының қолғаптарын киді”, – делінген жазбада.
Жас шабуылшыны қақпа алдында көру — көпшілік үшін күтпеген жайт болды. Бұл сәт жаттығу барысындағы тәжірибе ретінде түсіндірілді.
16 жастағы бомбардир: Премьер-Лиганың үздігі
Дастан Сәтпаев — Қазақстан Премьер-Лигасындағы ең нәтижелі ойыншы. Ол 12 матчта 8 гол соғып, бомбардирлер рейтингінде көш бастап тұр.
Жас мөлшері небәрі 16 болса да, қазір Дастан Қазақстан ұлттық құрамасының маңызды ойыншыларының бірі. Ол ел намысын қорғаған үш ресми матчқа қатысып үлгерді.