Өзбекстан құрамасының 2026 жылғы әлем чемпионатына жолдама алуынан кейін Қазақстанда Азияға қайта оралу мәселесі тағы да қызу талқылануда.
Мәжіліс депутаты Самат Нұртаза Қазақстанның Азия футбол конфедерациясына (АФК) оралуы жөніндегі пікірталасқа үн қосты. Бұл тақырып Өзбекстан құрамасының 2026 жылғы әлем чемпионатына шығуы аясында қызу талқыланып жатыр.
«Оңтүстік көршілерімізді шын жүректен құттықтаймын – бұл кез келген ел үшін үлкен жетістік. Бірақ Қазақстанға Азияға оралудың қажеті жоқ. Еуропа – бұл Еуропа. Бұл – №1. Бізге жыл сайын Чемпиондар лигасында ойнаған тиімдірек, әлем чемпионатына төрт жылда бір барып, үш матч өткізгеннен», – деді депутат.
Самат Нұртазаның айтуынша, УЕФА аясындағы жарыстар, яғни Ұлттар лигасы, Еуропа чемпионатының іріктеу кезеңі мен Еуропа лигасы — Қазақстан құрамасына үздік қарсыластармен тұрақты ойын тәжірибесін береді. Бұл ұлттық футбол деңгейін көтеруге тиімді жол саналады.
Қазақстан 2002 жылдан бастап УЕФА мүшесі. Ал Өзбекстан болса 1994 жылдан бері АФК құрамында ойнап келеді.
Естеріңізге сала кетейік, Өзбекстан құрамасы тарихта тұңғыш рет әлем чемпионатына жолдама алды. Олар іріктеу тобында 21 ұпаймен екінші орынды иеленіп, Ираннан кейінгі орынға жайғасты. Өздерімен бір топта болған Қатар, Біріккен Араб Әмірліктері, Қырғызстан мен Солтүстік Корея секілді елдерді басып озды.
