«Интер Майами» сапында 61 матчта 50 голға жеткен Месси футбол әлемін тағы да таңғалдырды.
Клубтық әлем чемпионатының екінші турында «Интер Майами» Португалияның «Порту» клубын 2:1 есебімен жеңді. Бұл матчта жеңіс добын Лионель Месси соқты. Аргентиналық шабуылшы айып добынан керемет соққы жасап, өз командасына үш ұпай сыйлады.
Бұл гол — Мессидің кәсіби мансабындағы 68-ші айып добынан салған добы. Осы нәтижемен ол Криштиану Роналдуды басып озды. Португалиялық шабуылшының еншісінде бұл көрсеткіш бойынша 64 гол ғана бар.
Сондай-ақ бұл кездесу Месси үшін ерекше статистикамен есте қалды: америкалық клуб құрамында 61-матчта 50-ші голын соқты. Ол «Интер Майами» құрамына 2023 жылы қосылған болатын.
