Клубтық әлем чемпионатының топтық кезеңінде "Интер" күтпеген қиындыққа тап болды. Жапониялық "Урава Ред Даймондсты" 90 минут бойы тығырыққа тіреген миландықтар соңғы сәтте жеңісті жұлып алды.
Матчтың 11-минутында Рема Ватанабе алыстан бағытталған соққымен жапониялық жанкүйерлерді қуантты. Бұл гол "Интер" үшін күтпеген соққы болды. Олар ойын тізгінін ұстағанымен ұзақ уақыт бойы гол соға алмады.
Екінші таймда Лаутаро Мартинес өзінің тәжірибесі мен шеберлігін көрсетіп, 78-минутта таразы басын теңестірді. Ал ойынға қосылған қосымша минуттарда 90+2-де Валентин Карбони шешуші соққымен есепті 2:1-ге жеткізді.
"Бұл біз күткен деңгей емес, бірақ бастысы — жеңіс. Қарсылас өте ұйымшыл әрі жылдам ойын көрсетті", — деді матч соңында "Интердің" бас бапкері Кристиан Киву.
КЧМ-2025 жарысының E тобында "Интер" мен "Урава Ред Даймондстан" бөлек, "Ривер Плейт"(Аргентина) және" Монтеррей" (Мексика) өнер көрсетеді.
