ҚПЛ төрешілерінің жалақысы белгілі болды

Қазақстандық төрешілердің табысы қанша?

Қазақстан Премьер-Лигасында (ҚПЛ) қызмет ететін бас төрешілер бір матч үшін 700 мың теңге көлемінде ақы алады. Бұл ақпаратты танымал комментатор Әлімжан Тасболатұлы “Alim Live” YouTube арнасында айтты. 

“Қазір Қазақстанда ҚПЛ-де төрелік етуге рұқсат алған 12 бас төреші ғана қалды. Бірқатары шеттетілген. Әр төреші бақылауда. Дәл қазіргі уақытта бір ойын үшін 700 мың теңге алады. Айына олар екі матчқа ғана төрелік етеді”, – деді Тасболатұлы.

Төрешілер азайып барады

Комментатордың сөзінше, төрешілер корпусы айтарлықтай қысқарған. Бұл сапаның артқаны емес, керісінше, сенім мәселесінің ушығуын көрсетеді. 

ҚПЛ-дегі тәртіп: сандар сөйлейді

• 13 турда — 417 сары қағаз
• 23 қызыл карточка көрсетілген

Бұл көрсеткіштер матчтардағы эмоция, шиеленіс пен төрешілердің шешімдеріне байланысты дау көп екенін айғақтайды.