Аңызға айналған шабуылшы Златан Ибрагимович "Интер Майами" мен ПСЖ»арасындағы кездесуден кейін Лионель Месси туралы пікір білдіріп, аргентиналық жұлдызды сыннан қорғап шықты.
Швециялық футболшы Мессидің ойынына емес, оның айналасындағы командаластарына шүйлікті:
“Месси ұтылған жоқ – ұтылған “Интер Майами”! Ол футболшылармен емес, мүсіндермен бірге ойнап жүр. Оның айналасындағылар қозғалысы – үстіне цемент қаптарын киіп алғандай” – деп ашық айтты Златан.
Бұл мәлімдеме футбол жанкүйерлері арасында қызу талқыланып жатыр. Бірі Златанның сөзімен келіссе, енді бірі мұны Мессиді ақтау деп бағалауда. Бірақ бір нәрсе анық — Лионель Месси өз деңгейінде өнер көрсету үшін айналасындағы әріптестерінің де лайықты деңгейде ойнауы қажет.
MLS клубының соңғы көрсеткіштері көңіл көншітпей тұр. Команда құрамын күшейтіп, тактикалық өзгерістер енгізбесе, тіпті Мессидің өзі нәтиже көрсете алмауы мүмкін. Златанның пікірі — осы дағдарыстың айқын көрінісі.
