"Пари Сен-Жермен" Украина ұлттық құрамасының қорғаушысы Илья Забарныйдың трансферін ресми түрде жариялады.
Забарный Франция чемпионатына Англияның "Борнмут" клубынан ауысты. Келісімшарт мерзімі — 2030 жылға дейін.
Кеше футболшы "ПСЖ" сапына қосылу үшін толық медициналық тексеруден өтті.
БАҚ мәліметінше, негізгі трансфер сомасы — 63 миллион еуро. Қосымша 3 миллион еуро бонус ретінде "Борнмутқа" түсуі мүмкін
2023 жылдың қаңтарында "Борнмут" қорғаушыны Киевтің "Динамосынан" 22,7 миллион еуроға алған болатын.
Франция баспасөзінде бұл келісімнен кейін Матвей Сафоновтың командадан кетуі мүмкін деген ақпарат тарады. Себебі "ПСЖ" басшылығы ресейлік және украиналық ойыншылардың бір құрамда бірге болуы клубтағы атмосфераға кері әсер етуі ықтимал деп санайды.
