Дастан Сәтпаев – Чемпиондар Лигасындағы ең жас гол авторы бола ала ма?

"Кайраттың" жас форварды тарих жазуы мүмкін

Алматылық "Кайраттың" шабуылшысы, 2008 жылдың 12 тамызында дүниеге келген Дастан Сатпаев Лига чемпиондарының тарихындағы ең жас гол соққан ойыншы атануы ықтимал. 

Қазір "Челсиден" жалға келген Сәтпаев алдағы қыркүйекте турнирдің негізгі кезеңінде дебют жасайды деп күтілуде. "Кайраттың" алғашқы матчы 19 қыркүйекте Лиссабонда "Спортингке" қарсы өтеді.

Осы ойында Дастан алаңға шығып, гол соқса небәрі 17 жас 38 күнінде рекорд жаңартады.

Қазіргі рекорд кімде?

Бүгінде Чемпиондар лигасының ресми тізімінде ең жас гол соққан ойыншы – Ансу Фати. Ол 2019 жылы "Барселона" сапында "Интерге" қарсы 17 жас 40 күнінде көзге түскен.

Егер Сәтпаев 19 қыркүйекте гол соқса, ол Фатидің көрсеткішінен 1–2 күн ерте тарихқа енеді.

Дастанның бұрынғы жетістігі

Айта кетейік, Сәтпаев қазірдің өзінде ЛЧ тарихына кірді. 2025 жылы Словенияның "Олимпиясына" қарсы ойында 16 жас 10 ай 26 күнінде гол соғып, турнирдің ең жас бомбардирлерінің бірі болды (іріктеу кезеңін қоса есептегенде).

Ең жас гол авторларының ТОП-10 (іріктеумен бірге)

1. Никлас Беркрот (Швеция) – 16 жас 6 ай 4 күн
2. Влодзимеж Любаньски (Польша) – 16 жас 8 ай 16 күн
3. Дастан Сәтпаев (Қазақстан) – 16 жас 10 ай 26 күн
4. Нии Лэмпти (Гана) – 16 жас 11 ай 12 күн
5. Тони Варьюнд – 17 жас 25 күн
6. Ансу Фати (Испания) – 17 жас 1 ай 9 күн
7. Янош Радич – 17 жас 1 ай 20 күн
8. Ламин Ямаль (Испания) – 17 жас 2 ай 6 күн
9. Барталь Фардум – 17 жас 2 ай 19 күн
10. Ромелу Лукаку (Бельгия) – 17 жас 2 ай 21 күн

Алайда УЕФА ресми реестрінде тек негізгі кезеңдегі голдар есепке алынады. Сондықтан қазір көшті Фати бастап тұр.

Қазақстандық футболдағы рекорд

Дастан Сәтпаев – еурокубоктар тарихында гол соққан ең жас қазақстандық футболшы. Оның жетістігі мына отандастарынан ерте тіркелді:

• Абат Айымбетов – 18 жас 11 ай 16 күн ("Ақтөбе" – "Динамо" Тбилиси, 2014)
• Роман Муртазаев – 19 жас 10 ай 20 күн ("Шахтёр" – "Скендербеу", 2013)
• Нұралы Әліп – 21 жас 6 ай 15 күн ("Қайрат" – "Маккаби" Хайфа, 2021)
• Сергей Хижниченко – 21 жас 6 ай 15 күн ("Шахтёр" – БАТЭ, 2013)