Сарапшының айтуынша, Орталық Азия енді Премьер-лига клубтары үшін жаңа таланттар алаңына айналып келеді.
Ағылшын футболының өкілі, Уэльс құрамасының бұрынғы шабуылшысы Натан Блэйк британдық клубтардың Орталық Азияға назар аударуы туралы пікір білдірді. Оның айтуынша, «Челси» қазақстандық футболшымен келіссөз жүргізген, бірақ ол Дастан Сәтпаев емес.
Соңғы жылдары ағылшын клубтары Орталық Азия футболына қызығушылық танытып келеді. Бұған мысал ретінде «Манчестер Ситидің» өзбек қорғаушысы Абдукодир Хусановты сатып алуы және «Челсидің» Қазақстан шабуылшысы Дастан Сәтпаевқа назар аударуы жиі айтылып жүр.
Бірақ Натан Блэйктің сөзінше, бұл бағыт бұдан да кең болуы мүмкін.
«Сіздерге бір құпияны ашайын. Менің досым Эдди Ньютон – «Челсидің» бұрынғы ойыншысы әрі бапкерлік штабтың мүшесі. Біз Қазақстан футбол клубымен ұсыныс күткенбіз. Тіпті Одессада келіссөздер де болды. Өкінішке қарай, мәміле жүзеге аспады. Бірақ мен әрқашан скауттарға айтамын: талантты тек Еуропа мен Оңтүстік Америкадан іздемеу керек. Әлемнің барлық аймағында дарынды жастар бар. Орталық Азия да футболдық әлеуеті жоғары аймақ», – деді Блэйк.
«Челси» мен «Манчестер Ситидің» Орталық Азия футболына көз тігуі – кездейсоқ үрдіс емес. Қазақстан, Өзбекстан және Қырғызстан жас ойыншыларының әлеуеті артып келеді. Егер ағылшын скауттары бұл нарыққа жүйелі түрде назар аударса, жақын болашақта қазақстандық футболшылардың Премьер-лигада ойнауы әбден мүмкін.
