Қазақстан ұлттық құрамасының шабуылшысы Ғалымжан Кенжебек Шотландияның «Селтик» клубына ауысуы мүмкін
Бұл туралы журналист Елдар Аманбаев хабарлады.
«Ғалымжан Кенжебек «Селтик» скауттарының назарына ілікті. Шотландияның көпжылдық гегемоны «Елімайға» ресми ұсыныс жолдауға дайын», – деп жазды Aman VIBE телеграм-арнасы.
Жазда «Кошице» сапында ойнаған экс-вингер «Елімаймен» келісімшартқа қол қойған. Бұған дейін ойыншыға Словакия, Ресей және Батыс Еуропаның бірнеше клубы қызығушылық танытқаны хабарланған. Олардың қатарында тағы бір шотландиялық «Хартс» бар.
Айта кетейік, Чемпиондар лигасының плей-офф кезеңіндегі шешуші ойында «Селтик» алматылық «Қайраттан» пенальти сериясында жеңіліп (0:0, пенальти – 3:4), турнирден шеттетілген болатын. Бұл нәтиже шотландиялық клубтың жанкүйерлері үшін үлкен соққыға айналды.
«Селтик» – Шотландия тарихындағы ең табысты клубтардың бірі. Олар ел чемпионатын 55 рет, ал ұлттық кубокты 42 мәрте жеңіп алған. Клубтың Еуропадағы беделі де зор, сондықтан қазақстандық шабуылшы үшін бұл трансфер үлкен қадам болмақ.
