Өзбекстан құрамасының және «Манчестер Сити» клубының қорғаушысы Абдукодир Хусанов ағылшын алпауытында ерекше форматта таныстырылды.
Ағылшын клубының баспасөз қызметі әлеуметтік желіде ерекше бейнеролик жариялады. Онда DiceIdeas лақап атымен танымал суретші күнделікті тұрмыстық заттардан өнер туындыларын жасай отырып, өзбекстандық қорғаушының портретін үстел ойындарының сүйектерінен құрастырған.
Клубтың ресми аккаунты бейнероликке:
«Біздің өзбек жұлдызымыз», – деп жазды.
Айта кетейік, Абдукодир Хусанов 2025 жылдың басында Францияның «Ланс» клубынан «Манчестер Ситиге» ауысқан болатын. Манчестер ұжымы бұл трансферге 40 миллион фунт қаржы жұмсады.
