АҚШ-тағы MLS чемпионатында өткен кезекті турда «Интер Майами» өз алаңында «Ди-Си Юнайтедті» қабылдап, тартысты ойында жеңіске жетті.
Кездесу Форт-Лодердейлдегі DRV PNK Stadium аренасында өтіп, 3:2 есебімен алаң иелерінің пайдасына аяқталды.
Жеңімпаз команда сапында Ноа Аллен мен Лионель Месси көзге түсті. Аргентиналық жұлдыз екі гол соғып қана қоймай, бір нәтижелі пас та орындады. Ал 71-минутта Матео Сильветти пенальтиден мүлт кетті.
Қонақтар қатарынан Кристиан Бентеке мен Джейкоб Маррелл мергендігімен танылды.
Бұл жеңіс «Интер Майамидің» қатарынан екінші рет үш ұпай алуына мүмкіндік берді. Ал «Ди-Си Юнайтед» соңғы бес кездесудегі алғашқы жеңілісіне ұшырады.
Келесі турда «Интер Майами» «Нью-Йорк Ситимен», ал «Ди-Си Юнайтед» «Филадельфия Юнионға» қарсы алаңға шығады.
