Футболдан Қазақстан Премьер-лигасының 24-турында Семейде «Елімай» «Ордабасыны» қабылдап, соңғы минуттарда жеңісті жұлып әкетті.
Кездесудің 3-минутында Эвертон Мораес пас шығарып, Эльхан Астанов есеп ашты. Бұдан кейін «Елімай» ойын тізгінін қолға алғанымен қақпашы Бекхан Шайзадаға айтарлықтай қауіп төндіре алмады.
84-минутта Әділбек Жұмахановтың әуелете асырған добын Рамазан Оразов голға айналдырып, таразы басын теңестірді. Ал қосымша уақытта, нақтырақ айтқанда 95-минутта тәжірибелі шабуылшы Роман Муртазаев шешуші соққы жасап, жеңісті «Елімайға» сыйлады.
Бұл нәтижеден кейін «Елімайдың» қоржынына 42 ұпай түсті, олар «Ақтөбені» қуып жетті. Ал «Ордабасы» 31 ұпаймен турнир кестесінде 8-орында қалып отыр.
