Футболдан Қазақстан Премьер-лигасының 24-турында Қостанайдың «Тобылы» «Қайсарды» қабылдады.
Қостанайлық команда алғашқы таймда белсенді басымдық танытып, бірнеше қауіпті сәттер ұйымдастырды. Бірақ есепті ашуға мүмкіндік болмады. Қызылордалықтар да қорғаныстан ойнап, қарсы шабуылға шығып отырды.
Барлығы тең аяқталады деген сәтте, қосымша уақыттың соңғы минутында шабуылшы Николай Сигневич қақпа алдында пайда болған мүмкіндікті қалт жібермей, гол соғып кетті.
Бұл жеңістен кейін «Тобылдың» ұпайы 50-ге жетіп, турнир кестесінде 3-орынды сақтап қалды. Ал «Қайсар» небәрі 19 ұпаймен аутсайдерлер қатарында тұр.
