Келесі жылы павлодарлық клуб ҚПЛ-ға қайтып келеді.
Танымал комментатор және футбол эксперті Ермұхамед Мәулен Қазақстан футболының аңызына қатысты қызықты мәлімет айтты.
“Тағы бір инсайд естідім. Қызылорда да таныстары көп Асхаттың. Солардың айтуынша, Асхат Тағыберген келесі жылы “Ертіс” командасына ауысады деген ақпарат бар,” – деді Ермұхамед Fonteam подкастында.
Естеріңізге салсақ, биылғы маусымда “Ордабасыда” бастаған 35 жасар жартылай қорғаушы көктемде қостанайлық “Тобыл” сапына аусқан болатын. Үлкен айлық алып, дұрыс ойнамайды деп шымкенттік клубтан қудаланған ойыншы қостанайлық ұжымға қайтып келіп, осы маусымда 20 ойын өткізді, 2 гол салып, 2 голдық ассист берді. Соңғы болған кездесуде Асхат “Ордабасыға” қарсы негізгі құрамда шығып, Қазақстан кубогін жеңіп алды. Алаңда 86 минут өткізген футболшы голдық ассист беріп, нәтижесінде “Тобыл” 2:0 есебімен жеңіске жетті.
