"Ақтөбе" қостанайлықтардың көшбасшысынан бас тартты

30 жастағы марокколық футболшы маусымды сәтті өткізді — ол 22 матчта жеті гол соғып, алты нәтижелі пас берген.

Айта кетейік, Әл-Мессауди «Тобыл» сапында 2025 жылғы Қазақстан кубогының жеңімпазы және Премьер-лигадағы қола жүлдегер атанды.

Футболшының агенті оның кандидатурасын «Ақтөбе» клубының жаттықтырушылар штабына ұсынған, алайда бас бапкер Николай Костов бұл трансферден бас тартқан.

Еске салайық, Ахмед Әл-Мессауди бұған дейін Бельгияның «Льерс», «Стандард», «Мехелен» клубтарында, Нидерландтың «Гронинген», «Фортуна», «Эммен» және Түркияның «Газиантеп» командаларында ойнады. Ол Марокко құрамасында екі кездесу өткізген.