Тағы бір Премьер-лига клубы жеке меншікке өтуі мүмкін.
Көкшетаудың «Оқжетпес» командасына қытайлық инвесторлар қызығып отыр.
"Оқжетпесті қытайлықтар сатып алуы мүмкін. Аспан асты елінен келген әлеуетті инвестор жергілікті әкімдікпен белсенді келіссөздер жүргізуде. Сонымен қатар, облыс әкімі Марат Ахметжанов оқиғалардан толық хабардар және Қазақстан Республикасы Президентінің тапсырмасын орындауды жеделдету үшін жұмыс істеп жатыр."
Дегенмен, бұл туралы әлі толық ақпарат жоқ:
"Қазіргі уақытта қытайлық компанияның атауы да, инвестицияның болжамды сомасы да белгісіз. Толығырақ ақпарат осы айдың соңына дейін қолжетімді болады", - деп жазды "Серый Кардинал" телеграм-арнасы.
Биылғы маусымда алғашқы айналымды жақсы бастаған көкшетаулықтар мәрені 8-ші орында аяқтады.
