Алматының «Қайрат» клубы тарихында алғашқы Чемпиондар лигасындағы жалпы кезеңнің жартысын еңсерді. Оразбахтин шәкірттерінің плей-оффқа шығу мүмкіндігі қандай екенін қарастырып көрейік.
Алматылықтар төрт матчта небәрі 1 ұпай еншіледі. Команданың жалғыз оң нәтижесі – Кипрдің «Пафосымен» (0:0) өткен өз алаңындағы ойын.
Қалған кездесулерде жағдай мәз емес:
Барлығы төрт матчта «Қайрат» 11 доп жіберіп, тек 2 гол соқты.
Қазір алматылық клуб 36 команданың ішінде 34-орында тұр. Төменде тек «Бенфика» (Португалия) мен «Аякс» (Нидерланд) орналасқан – екеуі де бірде-бір ұпай ала алмаған.
«Қайратпен» бірдей 1 ұпай жинаған «Копенгаген» (Дания) мен «Вильярреал» (Испания) сәл жоғарыда тұр.
Ең бастысы, плей-офф аймағы тым алыс емес:
24-орындағы «Наполи» (Италия) 4 ұпай жинаған. Яғни «Қайрат» бір жеңіс қана артта келеді.
Жаңа форматтағы жалпы кезең жүйесі екінші рет өткізілуде, сондықтан нақты статистика аз. Дегенмен өткен маусым көрсеткендей, плей-оффқа шығу үшін шамамен 11 ұпай керек.
«Қайраттың» әлі 4 ойыны бар. Демек өткен маусым үлгісін негізге алсақ, Оразбахтиннің командасына 3 жеңіс пен 1 тең ойын қажет.
Кем дегенде бір жеңіліс те жағдайды айтарлықтай қиындатады.
Алдағы кездесулердің барлығы шешуші болмақ. «Қайрат» екі рет өз алаңында (мүмкін, «Астана Аренада») және екі рет сырт алаңда ойнайды.
Міне, қарсыластар тізімі:
Соңғы турда лондондық «Арсеналмен» кездеседі. Сол уақытта ағылшындар плей-офф жолдамасын ертерек қамтамасыз етіп қоюы ықтимал. Бұл — «Қайраттың» пайдасына жұмыс істеуі мүмкін фактор.
