Қызылордалық «Қайсар» келесі маусымға арналған бас бапкерін ресми түрде таныстырды. Команданы енді тәжірибелі маман Андрей Ферапонтов жаттықтырады.
Клубтың Instagram парақшасында былай делінген:
«Ресми түрде: Андрей Ферапонтов — „Қайсардың“ жаңа бас бапкері! Жаңа маусымда команданы Премьер-лигада өзін дәлелдеген тәжірибелі маман жаттықтырады».
Ферапонтов өз еңбек жолында бірнеше қазақстандық клубтың дамуында маңызды рөл атқарған. Ол «Мақтаарал» клубында бас бапкер болып, кейін «Оқжетпесте» жұмысын жалғастырды. Сонымен қатар «Ақтөбе», «Ордабасы», «Қайрат» және Беларусьтің «Рух» командаларында жаттықтырушылық штабта қызмет атқарған.
Қазір маман Қазақстан жастар құрамасын уақытша басқарып жүр.
Бұл факторлар Ферапонтовтың «Қайсарды» жаңа деңгейге шығаруына мүмкіндік береді деп күтіледі.
2025 жылы «Қайсар» Қазақстанда жекеменшік клуб атанды. Команданың жаңа иесі — кәсіпкер Исламғали Қозбақов.