Алматының «Қайрат» ФК Чемпиондар лигасының 5-турындағы сырт алаңдағы ойыны үшін Дания астанасына ұшып келді.
Алматылық клубтың Instagram парақшасында команданың Копенгаген әуежайына қонған сәті түсірілген видео жарияланды. Бейнекадрларда салқын әрі жаңбырлы ауа райы,команданың толық құрамда келгені және ұзақ үзілістен кейін сапқа оралған қорғаныстағы лидері Александр Мартыновичтің болуы көрсетілген.
Мартынович денсаулық жағдайына байланысты бірнеше матчты өткізіп алған еді. Сондықтан оның сапқа қосылуы жанкүйерлер үшін қуанышты жаңалық.
