Ойын ертең, 26 қараша күні Дания астанасында өтеді.
Қазақстан құрамасының бұрынғы ойыншысы Павел Евтеев Sports.kz порталына Данияның «Копенгагені» мен Қазақстанның «Қайраты» арасындағы Чемпиондар Лигасының жалпы кезеңіндегі алдағы матч туралы пікірімен бөлісті.
"Бұл өте қызықты қарсыласу болады. «Копенгаген» — тарихы мен аты бар, еурокубоктарға тұрақты қатысатын команда. Қазіргі таңда дат клубы өз алаңының арқасында фаворит болып көрінеді. Бірақ турнир кестесінде қарсыластар көршілес орналасқан. «Қайраттың» сырт алаңда ұпай алуға барлық мүмкіндігі мен әлеуеті бар. Алматы командасына сәттілік пен оң нәтиже тілеймін", — деді маман.
Айта кетейік, матч ертең Данияда өтеді және Қазақстан уақытымен 22:45-те басталады.
