Forbes тізіміндегі олигарх «Астананы» басқаруына ала ма?

«Qarmet» және ықтимал мәміле туралы не белгілі?

ASnews.kz жариялаған ақпаратқа сай, клубты сатып алуға немесе басқаруға қатысуы мүмкін компаниялардың бірі — «Qarmet» АҚ. Аталған кәсіпорынның иесі — Андрей Лаврентьев. Ол 2025 жылы Қазақстандағы ең дәулетті кәсіпкерлер рейтингінде 12-орынға жайғасқан.

Андрей Лаврентьевтің қоғамдық және іскерлік қызметі

Дереккөздер мәліметінше, Андрей Лаврентьев бірқатар ұйымда басшылық және кеңесшілік қызмет атқарады. Оның ішінде:

• Allur компаниялар тобы мен «Qarmet» АҚ директорлар кеңесінің төрағасы;
• «Агромашхолдинг KZ» АҚ директорлар кеңесінің мүшесі;
• Қазақстан Машина жасаушылар одағының үйлестіру кеңесінің мүшесі;
• Қостанай облысының триатлон федерациясының президенті;
• YPO Kazakhstan мүшесі;
• iQanat және «Дом мамы» жобаларына қатысушы.

Бұған дейін де БАҚ-та «Астананың» қаржылық қиындықтары туралы бірнеше ақпарат шыққан. Сол себепті клуб желтоқсанда жоспарланған оқу-жаттығу жиынын тоқтатуға (болдырмауға) мәжбүр болғаны хабарланған.