ҚПЛ-дегі топ-клуб 360 млн тұратын аргентиналықпен келіссөз жүргізіп жатыр

«Тобыл» Соле үшін нақты қадамға көшті

Журналист Елдар Аманбаевтың жазуынша, клуб басшылығы 28 жастағы футболшымен белсенді келіссөздер жүргізіп жатыр. «Тобыл» дәл қазір құрамды күшейту бағытында шетелдік легионерге басымдық беріп отырғаны байқалады.

Франсиско Соле — 28 жастағы тірек жартылай қорғаушы. Биыл Венесуэла чемпионатында «УСВ» клубының сапында 32 матч өткізген.

Ал өткен маусымда барлық турнирде:

• 34 ойын
• 2 гол
• 4 нәтижелі пас жасаған.

Transfermarkt порталы Соленің қазіргі нарықтық құнын 600 мың доллар деп көрсетеді. Бұл шамамен 363,8 миллион теңгеге тең.

«Тобылдың» соңғы маусымдағы жетістігі

Айта кетейік, «Тобыл» өткен маусымда Қазақстан чемпионатында қола жүлдегер атанды. Қазақстан кубогын жеңіп алды.