Қазақстан ұлттық құрамасының қорғаушысы Әлібек Қасым мансабын «Астана» клубында жалғастыруы мүмкін.
AmanVIBE мәліметінше, 27 жастағы орталық қорғаушы клубпен жеке келісімшарт шарттарын алдын ала реттеп қойған. Яғни, тараптар келісімге келуге бір табан жақын.
Әлібек Қасым биылғы маусымда «Ақтөбе» сапында өнер көрсетті. Қорғаушы Қазақстан Премьер-лигасында 19 матчқа қатысып, 1 гол соқты.
Футболшы ұлттық құрамада да тұрақты шақырту алып, жоғары деңгейде ойнау тәжірибесімен ерекшеленеді.
Еске салайық, ҚПЛ-2025 қорытындысы бойынша «Ақтөбе» турнир кестесінде 5-орын алса, «Астана» маусымды 2-орынмен аяқтады.
Осылайша, Қасымның ықтимал ауысуы елордалық клубтың қорғанысын күшейтуге бағытталған қадам болуы мүмкін.
