Бұған дейін футбол сарапшылары мен жанкүйерлері біраз шағымданған еді.
Қостанайдың «Тобыл» футбол клубы ресми түрде жаңартылған логотипін көпшілік назарына ұсынды. Клуб өкілдерінің мәліметінше, бұл қадам толыққанды ребрендингті білдірмейді. Жаңарту уақыт талабына сай, ұқыпты әрі байыпты форматта жасалған. Логотиптің жанкүйерлерге бұрыннан таныс негізгі элементтері мен символикасы сақталған.
Жаңартылған нұсқада кейбір визуалды бөлшектер нақтыланды. Пропорциялар мен тепе-теңдік заманауи талаптарға сай түзетілген. Сонымен қатар логотиптің қолданылу ауқымы кеңейтіліп, цифрлық ортаға бейімделді.
Жаңа логотип клубтың тарихына деген құрметті сақтай отырып, алға ұмтылыс пен даму идеясын бейнелейді. Бұл — өткен мен болашақты байланыстыратын символдық қадам.
“Құндылық сақталды. Құрамы өзгерді. Заманауи нұсқа”, – делінген клубтың әлеуметтік желідегі ресми парақшасында.
