Былтыр қостанайлық клуб бұл бразилиялық футболшыны 120 мың еуроға сатып алған болатын. Ойыншы өзін толыққанды көрсете алмай, 9 ойында бір гол ғана сала алды.
Қостанайлық "Тобыл" клубының бұрынғы шабуылшысы Энрике Девенс Қазақстанда қалуы мүмкін, деп хабарлайды ASnews.kz.
28 жастағы бразилиялық футболшы Премьер-лиганың өзге командаларының назарын аударған:
"Мен бар болғаны өз орнымда табыла алмадым – мұндай жағдайлар болады. Қазір басқа клубтармен келіссөздер жүргізіп жатырмыз, дегенмен жоғары жақтағы өзгерістерге байланысты келісу оңай емес", – деп растады футболшы.
Еске салайық, жазда қостанайлық клуб Девенсті Литваның "Жальгирис" клубынан сатып алған еді. Трансфер құны 120 мың еуроға бағаланған. Литвада шабуылшы сондай-ақ "Бабрунгас" пен "Дайнава" клубтарының намысын қорғаған.
"Тобыл" сапында Девенс Кубок иегері атанып, чемпионаттың қола жүлдесін жеңіп алды. Жалпы қостанайлықтардың жейдесінде бразилиялық футболшы 9 матчқа (алаңда 441 минут) қатысып, 1 гол соғып, 2 нәтижелі пас берген.
Оқи отырыңыз:
