Қазіргі сәтте франциялық шабуылшысы Сауд Арабиясының "Әл-Иттихад" сапында өнер көрсетеді.
Франция құрамасының экс-шабуылшысы Кәрім Бенземаның мансабы күтпеген жерден қайтадан мадридтік "Реалмен" жалғасуы мүмкін. Бұған саудиялық "Әл-Иттихадпен" арадағы келісімшарттық келіспеушіліктер себеп болып отыр.
Fichajes дерегінше, Бензема клуб басшылығына жаңа келісімшарт талаптары қайта қаралмайынша, алаңға шықпайтынын мәлімдеген. Француз шабуылшысы жалақы көлемін "Әл-Наср" сапындағы Криштиану Роналдудың келісіміне жуық деңгейге жеткізуді сұраған. Бұл шамамен маусымына 180 миллион еуро дегенді білдіреді.
Алайда "Әл-Иттихад" мұндай қаржылық шарттарға баруға дайын емес әрі футболшымен келісімді ұзартуға аса қызығушылық танытып отырған жоқ. Қазіргі келісімшарт 2026 жылдың 30 маусымына дейін жарамды болса да, тараптар арасындағы қарым-қатынас күрделене түскен.
Осы жағдайдан кейін Бенземаның агенті "Реал Мадридпен" байланыс орнатып, маусым соңына дейін келісімшарт жасасу мүмкіндігін талқылағаны айтылып отыр. "Корольдік клубтың" спорттық басшылығы бұл трансфердің турнирлік мақсаттарға, қаржылық балансқа және команда құрамына ықпалына жан-жақты талдау жүргізіп жатыр.
Айта кетейік, қазіргі таңда "Әл-Иттихад" чемпионатта 17 матчтан кейін 30 ұпаймен алтыншы орында келеді.
