Түркиядағы оқу-жаттығу жиынында Қарағандының "Шахтеры" мен Өзбекстанның "Әндіжан" клубы жолдастық кездесу өткізді. Алайда төреші ойынды мерзімінен бұрын тоқтатуға мәжбүр болды.
Қос команда арасындағы ойынның 54-минутында есеп 0:0 болып тұрған сәтте футболшылар қатқыл қақтығысқа барып, артынша алаңда жаппай итеріс-түріс басталған. Оқиға ушығып кеткен соң бас төреші кездесуді мерзімінен бұрын аяқтау туралы шешім қабылдаған.
Қарағандылық клуб бұл матчқа мына құраммен шықты:
Шацкий, Богачев, Зубайділдә, Рудосельский, Прокопенко, Айманов, Ахмедов, Қалыбаев, Артурұлы, Оспанов, Саутов.
Еске сала кетейік, өткен маусымда "Шахтер" Қазақстан чемпионатының Бірінші лигасында 4-орын алып, Премьер-лигаға көтеріле алмады.
