Грозныйдың "Ахматы" Түркиядағы оқу-жаттығу жиынында кезекті бақылау кездесуін өткізіп, Сербияның "Вождовац" клубын ірі есеппен жеңді. Матчта Қазақстан құрамасының екі ойыншысы алаңға шықты,
Кездесудің алғашқы таймында қазақстандық шабуылшы Максим Самородов қос гол соғып, дубль авторы атанды. Оның дәл соққылары "Ахматқа" үзіліске дейін-ақ айқын басымдық берді.
Үзілістен кейін алаңға Қазақстаннан шыққан тағы бір шабуылшы — Ғалымжан Кенжебек шықты. Осылайша ресейлік клуб сапында қазақстандық футболшылар әр таймда кезектесіп өнер көрсетті.
Екінші таймда "Ахмат" қарқынын бәсеңдетпей, нәтижені Анас Эль Махрауидің голымен түйіндеп, есепті 3:0-ге жеткізді.
