Қазақстан футбол федерациясы (ҚФФ) мен Қазақстан Премьер-Лигасының (ҚПЛ) баспасөз қызметі Қазақстан Суперкубогы үшін өтетін "Қайрат" — "Тобыл" матчын ресми түрде жариялады.
Ойын “Астана Арена” стадионында 28 ақпан күні (сенбі) өтеді. Басталуы — 17:00.
“Қайрат” — ҚПЛ-2025 маусымының чемпионы болса, “Тобыл” — Қазақстан Кубогының иегері. Оған қоса қостанайлық клуб чемпионатты үшінші орынмен аяқтады.
2025 жылғы Қазақстан Суперкубогын “Қайрат” жеңіп алған. Алматылық клуб елордада өткен кездесуде “Ақтөбені” 2:0 есебімен ұтқан.
Титулдар статистикасы да тең:
“Қайрат” Суперкубокты 3 рет иеленген
“Тобыл” да бұл трофейді 3 мәрте жеңіп алған
