"Елімай" құрамын бразилиялық қорғаушымен күшейтті

Келісімшарт қашан жасалды?

Клуб мәліметінше, 3 ақпанда оңтүстікамерикалық футболшы “Елімаймен” ресми келісімшартқа қол қойған. Алвес негізгі позициясы бойынша орталық қорғаушы ретінде ойнайды.

Игор әртүрлі мемлекеттердің біріншіліктерінде өнер көрсеткен. Халықаралық тәжірибе бай. Бұған дейін ол мына клубтардың жейдесін киген:

• “Флуминенсе” (Бразилия)
• “Сабах” (Әзербайжан)
• “Динамо” Минск (Беларусь)
• “Львов” / “Карпаты” (Украина)
• “Хибернианс” (Мальта)
• “Навбахор” (Өзбекстан)

Титул және соңғы маусымдағы статистика

Алвес “Хибернианс” құрамында Мальта Премьер-лигасының чемпионы атанған. Ал өткен маусымды ол Өзбекстан чемпионатында “Навбахор” сапында өткізіп, 33 матчта 3 гол соққан.

Семейлік клуб ҚПЛ-2025 маусымын төртінші орынмен аяқтағандықтан биыл жазда УЕФА Конференциялар лигасында алғаш рет бақ сынайды.