Зинедин Зидан жаңа қызметке жақын

Ауызша келісім бар, ресми жарияланым кейін болады

Инсайдер Фабрицио Романо таратқан мәліметке сәйкес, 53 жастағы француз маманы ұлттық құраманы тізгіндеу бойынша ауызша келісімге келген. Ал Зиданның қызметке ресми кірісуі 2026 жылғы әлем чемпионаты аяқталғаннан кейін жоспарланып отыр.

Қазір “үш жолақтыларды” жаттықтыратын Дидье Дешам әлем біріншілігінен соң қызметінен кететінін айтқан. Франция футбол федерациясы әзірге ресми мәлімдеме жасамағанымен тараптар келіссөздің соңғы кезеңіне жақындап, жария ету үшін қолайлы уақытты күтуде.

Зидан соңғы рет қашан бапкер болды?

Зидан 2021 жылдан бері бас бапкер ретінде жұмыс істеген жоқ. Дәл сол жылы “Реал Мадридтен” кеткен. Соған қарамастан соңғы жылдары оның есімі тұрақты түрде Франция құрамасындағы мүмкін тағайындаумен байланыстырылып келді.

Зидан ойыншы кезінде Франциямен бірге 1998 жылғы әлем чемпионы және 2000 жылғы Еуропа чемпионы атанды.

Бапкер ретіндегі басты трофейлері

Бапкерлік мансабында Зидан “Реалдың” тізгінінде:

• Чемпиондар лигасын қатарынан 3 рет жеңді
• Ла Лигада 2 рет чемпион атанды
• Клубтар арасындағы әлем чемпионатын 2 рет ұтты
• УЕФА Суперкубогын 2 рет,
• Испания Суперкубогын 2 рет иеленді.