Қазіргі уақытта тараптар ықтимал мәміленің шарттарын талқылап жатыр екен.
Қазақстандық кәсіпкер Дінмұхамед Ыдырысов түркістандық "Тұран" футбол клубын сатып алуы мүмкін. Қазіргі уақытта ықтимал мәміленің шарттары талқыланып, клубты басқару форматы пысықталуда.
Telegram желісіндегі BAD FOOTBALL арнасының хабарлауынша, тараптар келісімге келсе, "Тұран" жақын уақытта жаңа жекеменшік инвесторға ие болуы мүмкін.
Әзірге тараптар бұл мәселе бойынша ресми мәлімдеме жасаған жоқ. Соған қарамастан, футбол ортасында бұл тақырып қызу талқыланып жатыр.
2025 жылғы маусым қорытындысы бойынша "Тұран" Қазақстан Премьер-лигасында 16 ұпай жинап, турнирлік кестеде соңғы орын алды.
Осы нәтижеден кейін команда жоғары дивизионнан түсіп қалды. Кейін клуб сатылымға шығарылды.
Forbes Kazakhstan журналының деректеріне сәйкес, Дінмұхаммед Ыдырысов Қазақстанның ең бай 75 кәсіпкерінің тізімінде 18-орында тұр.
Оның активтері шамамен 563 миллион долларға бағаланады.
Кәсіпкердің бизнесі бірнеше салада дамыған:
Дінмұхаммед Ыдырысов бұған дейін Мәжілістің экс-спикері Нұрлан Нығматулинмен құда болған.
Кәсіпкердің қызы Мәдина Ыдырысова Нұрлан Нығматулиннің ұлы Нұрхан Нұрлановқа тұрмысқа шықты. Қазіргі мәліметтерге сәйкес, олар кейін ажырасқан.
