Ал оның орнына уақытша Александр Кеплин тағайындалды.
Қазақстан футбол федерациясының (ҚФФ) бас хатшысы Давид Лория қызметінен ресми түрде кетті. Бұл шешім Атқару комитетінің дауыс беру қорытындысы бойынша қабылданды.
Мәліметке сәйкес, ҚФФ Атқару комитетінің 11 мүшесінің 6-ы Лорияның отставкасын қолдап дауыс берген. Осылайша оның қызметтен кетуі ресми түрде бекітілді.
Давид Лория бұл қызметке 2025 жылдың 2 сәуірінде тағайындалған болатын. Ол бұған дейін Қазақстан ұлттық құрамасының қақпашысы ретінде танымал болған.
Ұлттық құрама сапында Лория 46 матч өткізген тәжірибелі футболшы.
Лорияның орнына ҚФФ бас хатшысының міндетін уақытша атқарушы болып Александр Кеплин тағайындалды.
