FIFA турнирі: Өзбекстан сегіз футболшыдан айырылды

Өзбекстан ұлттық құрамасы алдағы FIFA Series турнирі алдында кадрлық қиындықтарға тап болды. Команда бірден сегіз футболшысынан айырылды.

Жаттығу жиыны алдында шығын көбейді

Өзбекстан құрамасы 22 наурыздан бастап Ташкентте оқу-жаттығу жиынын бастайды. Бұған дейін бас бапкер Фабио Каннаваро кеңейтілген құрамды жариялаған еді.

Алайда бірқатар негізгі ойыншы жарақатына байланысты жиынға қатыса алмайтыны белгілі болды.

Жарақат алған футболшылар тізімі:

• Жалолиддин Машарипов
• Хусниддин Аликулов
• Аббосбек Файзуллаев
• Дильшод Комилов
• Иброхимхалил Юлдошев
• Абдулла Абдуллаев
• Алибек Давронов
• Хусаин Норчаев

Алда екі халықаралық матч күтіп тұр

FIFA Series аясында Өзбекстан құрамасы екі жолдастық матч өткізеді:

• 27 наурыз — Өзбекстан vs Габон
• 30 наурыз — Өзбекстан vs Венесуэла

Екі кездесу де Ташкенттегі "Бунёдкор" стадионында өтеді. Басталу уақыты — 19:00.

Әлем чемпионаты алдында маңызды кезең

Айта кетейік, Өзбекстан құрамасы биыл алғаш рет футболдан әлем чемпионатына қатысады.

2026 жылғы мундиальдің топтық кезеңінде олар:

• Португалия
• Колумбия
• плей-офф жеңімпазы (ДР Конго / Ямайка / Жаңа Каледония) командаларымен кездеседі.