Футболдан Қазақстан құрамасы Арменияға қарсы жолдастық кездесу өткізеді.
Қазақстан футбол федерациясы ұлттық құраманың Арменияға қарсы жолдастық матч өткізетіні туралы ресми мәлімдеме жасады. Кездесу 2026 жылғы 6 маусымда Еревандағы Вазген Саркисян атындағы республикалық стадионда өтеді.
Бұл матч екі құрама арасындағы тоғызыншы кездесу болмақ. Қазақстан мен Армения соңғы рет 2024 жылдың маусым айында жолыққан.
Қазақстан футбол федерациясының хабарлауынша, тараптар жолдастық ойын өткізу жөнінде ортақ келісімге келген.
Федерация мәлімдемесінде ұлттық құрамалар арасындағы бұл матчтың 2026 жылдың маусымына жоспарланғаны айтылды. Осылайша Қазақстан құрамасы жазғы халықаралық үзіліс кезінде тағы бір маңызды сынақтан өтеді.
Қазақстан маусым айында тек Армениямен шектелмейді. Бұған дейін ұлттық команданың 9 маусымда тағы бір жолдастық матч өткізетіні белгілі болған.
Бұл күні Талғат Байсуфинов жаттықтыратын Қазақстан құрамасы өз алаңында Венгриямен кездеседі. Ойын “Түркістан Аренада” өтеді.
Ұлттық команда оған дейін де бірнеше кездесу өткізеді. Қазақстан құрамасы жаңа FIFA Series 26 жолдастық турнирі аясында Астанада екі матчқа шығады.
Алдағы ойындар тізімі:
Бұл матчтар ұлттық құраманың алдағы ресми турнирлер алдындағы дайындығы үшін маңызды саналады.
